Հավով և բանջարեղենով ջեռեփուկ

Պատրաստեք հավով և բանջարեղենով ջեռեփուկ հետևյալ բաղադրատոմսով
Հավով և բանջարեղենով ջեռեփուկ շատ համեղ Խմորով ուտեստ է և կարելի է մատուցել Տոնական սեղաններին:

Մենք պատրաստել ենք փախլավայի բարակ, թափանցիկ խմոր՝ ֆիլո: Ասենք, որ այս խմորով ոչ միայն անուշեղեններ են պատրաստում, այլև՝ մսով ու բանջարեղենով շատ ուտեստներ: Այսօր կպատրաստենք դրանցից մեկը:



Ինչպես պատրաստել հավով և բանջարեղենով ջեռեփուկ
Սոխը կտրտել, 30 գ կարագի և 1 ճաշի գդալ բուսայուղի խառնուրդով տապակել 1-2 րոպե, ավելացնել մանր խորանարդների կտրտած հավի կրծքամիսը, խառնելով տապակել 5-6 րոպե, ավելացնել ալյուրը, խառնել, համեմել աղ ու պղպեղով, քարիով, ավելացնել 1 բաժակ կաթ, հասցնել եռման աստիճանի, ավելացնել մանր կտրտած բրոկոլին, 0.5 բաժակ ջրքամած կանաչ ոլոռը, խառնել և անմիջապես կրակից վերցնել: Թասի մեջ 1-2 ձու ջարդել, ավելացնել սերուցքը, համեմել, հարել: Մնացած կարագը հալեցնել, ջեռոցի կաղապարը լավ յուղել, մեջը մի քանի շերտ խմոր այնպես փռել, որ եզրերը թեթևակի կախվեն, դրանք յուղել, վրան տարածել մսով և բանջարեղենով խճողակը: Ֆիլո խմորի մի քանի շերտ հերթով գցել սոուսի մեջ և անկանոն ձևով դնել միջուկի վրա, պետք է անհարթ մակերես ստացվի: Վերջում նույն կերպ վրա բերել խմորի եզրերը, դրանք էլ օծել սոուսով և տապակը դնել 180° տաքությամբ ջեռոցի ներքևի հարթակին, եփել մոտ 40-45 րոպե:

---

Ձեզ անհրաժեշտ է հետեւյալ բաղադրիչները, որպեսզի պատրաստեք հավով և բանջարեղենով ջեռեփուկ

---

  հավի կրծքամիս 250 գրամ

---

  սոխ 1 գլուխ

---

  կարագ 70 գրամ

---

  ձեթ

---

  ալյուր 1 ճաշի գդալ

---

  կաթ 1 թեյի բաժակ

---

  ձու 2 հատ

---

  սերուցք 150 մլ

---

  բրոկկոլի 50 գրամ

---

  կանաչ ոլոռ 0.5 թեյի բաժակ

---

  խմոր 250 գրամ

---

  աղ

---

  սև պղպեղ

---

Բաղադրիչների ձեռքբեռման ընդհանուր մոտավոր արժեքը կազմում է 1530 դրամ,
իսկ կալորիականությունը ` 341 կկալ