Բրնձով պասուց տոլմա

Պատրաստեք բրնձով պասուց տոլմա հետևյալ բաղադրատոմսով
Բրնձով պասուց տոլմա շատ համեղ Ճաշատեսակ է և կարելի է մատուցել Պասի ուտեստներ սեղաններին:

Պասուց տոլմաներից ամենահայտնին կաղամբով և հատիկավորներովը, հիմնականում Ամանաորին են պատրաստում: Իսկ գարնանային այս շրջանում, ավելի շատ բրձով ենք պատրաստում:



Ինչպես պատրաստել բրնձով պասուց տոլմա
Տապակի մեջ բովել ընկույզը: Սոխը մանր կտրատել: Ընկույզը վերցնել տապակի վրայից, նույն տապակի մեջ տաքացնել բուսայուղը և տապակել սոխը: Բոված ընկույզը և սխտորը մանրացնել, ավելացնել սոխերածին, ավելացնել նաև չոր նանան, նախապես կիսախաշ բրինձը և լավ խառնել: Համեմել աղ ու պղպեղներով, ավելացնել քերիչով անցկացրած մի փոքր կիտրոնի կեղևը, լավ խառնել, վրան կափարիչ դնել: Սամիթն ու մաղադանոսը մանր կտրտել, ամանի մեջ լցրած խճողակին ավելացնել կտրտած կանաչին, կես կիտրոնի հյութը, լավ խառնել: Խաղողի լվացած տերեները բացել, վրան խճողակ դնել և փաթաթել տոլմաները: Փաթաթված տոլմաները դնել կաթսայի կամ թավայի մեջ, շերտերի արանքում չամիչներ շարել: Վրան ավելացնել ձիթայուղ, եռացրած ջուր, ափսեով ծածկլե, որպեսզի տոլմաները չքանդվեն, կափարիչով փակել և դնել գազօջախին: Բարձր կրակով հասցնել եռման աստիճանի, հետո կրակն իջեցնել և եփել մինչև պատրաստ լինելը: Մատուցել սառը վիճակում:
---------------------------------------------------
Ձեզ անհրաժեշտ է հետեւյալ բաղադրիչները, որպեսզի պատրաստեք բրնձով պասուց տոլմա

---

  բրինձ 200 գրամ

---

  խաղողի տերևներ 400 գրամ

---

  ձեթ 3 ճաշի գդալ

---

  սոխ 1 գլուխ

---

  սխտոր 1 պճեղ

---

  մաղադանոս 0.5 փունջ

---

  սամիթ

---

  նանա 1 թեյի գդալ

---

  կիտրոն 1 հատ

---

  չամիչ 50 գրամ

---

  ընկույզ 50 գրամ

---

  աղ

---

  սև պղպեղ

---

  կարմիր աղացած պղպեղ
---------------------------------------------------
Բաղադրիչների ձեռքբեռման ընդհանուր մոտավոր արժեքը կազմում է 1560 դրամ,
իսկ կալորիականությունը ` 110 կկալ