Լսողությունս...

Լսողությունս...
Կարող է որսալ
Սիրահարների
Խոստովանության
Չասված բառերը,
Կարող է որսալ,
Թե երազի մեջ
Իրար ականջի
Ի՞նչ են շշնջում
Ձմռան ձյունի տակ
Քնած ծառերը:
Լսողությունս
Կարող է որսալ
Ոչ միայն կանչը
Ձենով Օհանի,
Այլև քառասուն
Ջրաղացքարի տակ
Թիկունքին ընկած
Մսրա Մելիքն էլ
Ամենաթաքուն
Իր խոկումները
Նրանից պահել
Չի կարողանա,
Ինչ էլ որ անի...
Լսողությունս
Ուր էլ գնացել՝
Պարտքը կատարած
Վերադարձել է
Ու գլխիս երբեք
Փորձանք չի բերել,
Որովհետե նա
Կարողացել է
ճշմարտությունը
Ստից տարբերել։