Հետաքրքիր հանելուկներ

21. Կյանք է տալիս, բայց ինքն՝ անկյանք,
Հյուր է գալիս, աշխարհ մտնում,
Պարգևում է լույս ու բերկրանք,
Երբ գնում է, օրն է մթնում:

---

22. Թռչուն անթև ու անփետուր,
Բայց շրջում է նա ամենուր,
Նրա համար սահման չկա
Ոչ գետ ու ծով, ոչ լեռ, բլուր:

---

23. Հողից շինեցին,
Բոցում թրծեցին,
Կախեցին սյունից,
Տարան, բերեցին:

---

24. Մի բան գիտեմ զարմանալի,
Նա մագիլներ ունի հավի,
Մութ անտառն է իրար տալիս,
Հարթում սիրուն ու ետ գալիս:

---

25. Այդ ի՞նչ փիղ է, որ կնճիթ չունի:

---

26. Կլոր եմ, գնդակ չեմ,
Կարմաթուշ եմ, դեղձ չեմ,
Քաղցր եմ, մեղր չեմ։

---

27. Բարձրում կախված,
Ընկնում եմ ցած,
Մինչև չկոտրես,
Համը չտեսնես,
Չես հասկանա դու,
Ի՜նչ համեղն եմ ես։

---

28. Թավշյա հագուստ ունեմ,
Կարմիր թուշիկ ունեմ
Ապրում եմ հարավում,
Քաղցրանուշ համ ունեմ։

---

29. Մենք հատիկով չենք աճում,
Ընտանիքով ենք լինում,
Կարմիր, սպիտակ գույն ունենք,
Անուշ, քաղցր համ ունենք։

---

30. Գետնից թաքուն դուրս եկավ,
Գեղեցիկ գլխարկ գտավ։

---