Հավի լցոնած կրծքամիս

Պատրաստեք հավի լցոնած կրծքամիս հետևյալ բաղադրատոմսով
Հավի լցոնած կրծքամիս շատ համեղ Թռչնամսով ուտեստ է և կարելի է մատուցել Տոնական սեղաններին:

Հավի կրծքամիս պատրաստելու հարյուրավոր եղանակներ կան: Թերևս լավագույն տարբերակը այն նախ մարինացնելն է, ապա լցոնելը:



Ինչպես պատրաստել հավի լցոնած կրծքամիս
Թասի մեջ թթվասերին խառնել սոյայի սոուսը, շաքարավազը, լավ խառնել: Վրան ճզմել սխտորը, ավելացնել մանրացրաց սամիթը և լավ խառնել ավելացնելով աղ և պղպեղներ: Հավի կրծքամսին գրպանիկներ կտրել խորը և դնել մարինադի մեջ, թողնել մսակտորները մարինացվեն: Թավայի մեջ թեթևակի բովել նուշը: Խճողակը պատրաստելու համար թավայի մեջ տաքացնել բուսայուղը, սոխը մանր կտրտել, սոխերած անել: Մանր կտրատել գազարը և ավելացնել սոխերածի վրա: Կտրատել մանր նաև կարմիր պղպեղը և ավելացնել խճողակին խառնել: Ավելացնել նաև մանր կտրատած նեխուրի ցողունները, սխտորն ու նուշը, լավ խառնել, համեմել աղ ու պղպեղներով, թողնել մի փոքր տապակվի: Խճողակը տեղափոխել ամանի մեջ: Վերցնել ջեռոցի տապակը, վրան յուղաթուղթ փռել: Հավի կրծքամիսը լցոնել խճողակով, ամրացնել չոփիկներով, դնել տապակի մեջ և տեղափոխել 190° տաքացրած ջեռոցը, եփել 30-35 րոպե:

---

Ձեզ անհրաժեշտ է հետեւյալ բաղադրիչները, որպեսզի պատրաստեք հավի լցոնած կրծքամիս

---

  հավի կրծքամիս 400 գրամ

---

  թթվասեր 100 մլ

---

  սխտոր 2 պճեղ

---

  սամիթ 0.5 փունջ

---

  շաքարավազ 1 թեյի գդալ

---

  սոյայի սոուս 4 ճաշի գդալ

---

  ձեթ 4 ճաշի գդալ

---

  գազար 1 հատ

---

  սոխ 1 գլուխ

---

  նեխուր 3 ցողուն

---

  կարմիր պղպեղ 1 հատ

---

  նուշ 50 գրամ

---

  աղ

---

  սև պղպեղ

---

  կարմիր աղացած պղպեղ

---

Բաղադրիչների ձեռքբեռման ընդհանուր մոտավոր արժեքը կազմում է 1730 դրամ,
իսկ կալորիականությունը ` 169 կկալ