Կաղամբի վաղահաս թթու

Պատրաստեք կաղամբի վաղահաս թթու հետևյալ բաղադրատոմսով
Կաղամբի վաղահաս թթու շատ համեղ Պահածո է:

Կտրտած կաղամբով թթուն ոչ միայն շատ համեղ է, այլև շատ օգտակար: Հայտնի է, որ բանջարեղենը կտրտելիս կորցնում է վիտամինների մեծ մասը: Կաղամբը զարմանալի բացառություն է: Կտրտած կաղամբի մեջ C վիտամինի քանակը մի քանի տասնյակ անգամ ավելի է, քան ամբողջականի մեջ: Այսօր կաղամբի վաղահաս թթու ենք պատրաստում՝ ընդամենը 3 օրում:



Ինչպես պատրաստել կաղամբի վաղահաս թթու
Կաղամբը բարակ շերտատել, գազարը խոշոր քերել, խնձորը մանր կտրտել, խառնել, լցնել 3 լիտրանոց ապակե տարայի մեջ, լավ սեղմել: Ջուրը, աղը, շաքարավազը լցնել կաթսայի մեջ, դնել կրակին, եռացնել, անջատել, ավելացնել մեղրը, խառնել: Մարինադը լցնել կաղամբի վրա, վրան ծանրություն դնել, տարան տեղավորել թասի մեջ, որպեսզի թթվելիս հեղուկը լցվի մեջը: Պահել սենյակային ջերմաստիճանում, ամեն օր մի քանի անգամ ծանրությունը վերցնել, մինչև հատակը հասնող որևէ ձողով մի քանի տեղ ծակել, որպեսզի գազերը դուրս գան: Թթուն 3-րդ օրը կարելի է ուտել: Պահել սառնարանում:

---

Ձեզ անհրաժեշտ է հետեւյալ բաղադրիչները, որպեսզի պատրաստեք կաղամբի վաղահաս թթու

---

  կաղամբ 1 գլուխ

---

  գազար 1 հատ

---

  խնձոր 1 հատ

---

  ջուր 800 մլ

---

  աղ 1 ճաշի գդալ

---

  շաքարավազ 1 ճաշի գդալ

---

  մեղր 1 ճաշի գդալ
---------------------------------------------------
Բաղադրիչների ձեռքբեռման ընդհանուր մոտավոր արժեքը կազմում է 490 դրամ,
իսկ կալորիականությունը ` 25 կկալ