Սնկով և պելմենիով պուտուկ

Պատրաստեք սնկով և պելմենիով պուտուկ հետևյալ բաղադրատոմսով
Սնկով և պելմենիով պուտուկ շատ համեղ Մսով ուտեստ է և կարելի է մատուցել Տոնական սեղաններին:

Սովորաբար պելմենին խաշում են և որևէ սոուսով կամ թթվասերով մատուցում: Պելմենիով շատ հետաքրքիր ջեռեփուկ է ստացվում, հատկապես, երբ այն պատրաստում են պուտուկի մեջ:



Ինչպես պատրաստել սնկով և պելմենիով պուտուկ
Ալյուրն ու աղը մաղել թասի մեջ, ավելացնել 1 ձվի 5 ճաշի գդալ ջրի խառնուրդը, պինդ խմոր շաղել, 7-8 րոպե հունցել, ծածկել, թողնել հանգստանա: Տավարի մսին քերած սոխ, աղ ու պղպեղներ ավելացնել, լավ հունցել: Կաթսայի մեջ 1 լ ջուր լցնել, ավելացնել խոշոր կտրտած գազարը, մեկ գլուխ սոխը, հատիկ պղպեղները, դնել կրակին: Հենց սկսի եռ գալ՝ աղ և դափնու տերևներ ավելացնել, եփել 3 րոպե, դափնու տերևները հեռացնել, կրակն անջատել, թողնել արգանակը թրմվի: Խմորը բարակ բացել, սովորականից փոքր շրջանակներ կտրտել, փոքրիկ պելմենիներ ձևավորել, շարել ալյուր շաղ տված ափսեի մեջ: Տապակի մեջ կարագի և բուսայուղի խառնուրդ տաքացնել, պելմենիները բոլոր կողմերից տապակել, տեղափոխել կավե պուտուկների մեջ, նույն յուղով տապակել ոչ բարակ շերտատած ագարիկոնը, տեղափոխել պուտուկների մեջ: Արգանակը քամել, պուտուկների մեջ գազաի կտորներ էլ դնել, այնքան արգանակ լցնել, որ պելմենիներն ու սունկը ծածկվեն: Կափարիչ դնել: Եփել 30 րոպե՝ 200° տաքացրած ջեռոցում: Մատուցելիս վրան թթվասեր դնել, կտրտած կանաչի շաղ տալ:

---

Ձեզ անհրաժեշտ է հետեւյալ բաղադրիչները, որպեսզի պատրաստեք սնկով և պելմենիով պուտուկ

---

  ալյուր 1.5 թեյի բաժակ

---

  ձու 1 հատ

---

  տավարի միս 150 գրամ

---

  սոխ 1.5 գլուխ

---

  աղ

---

  սև պղպեղ

---

  սունկ 200 գրամ

---

  գազար 1 հատ

---

  կարագ 30 գրամ

---

  ձեթ 1 ճաշի գդալ

---

  դափնու տերև 3 հատ

---

  հատիկ պղպեղ 10 հատ

---

  մաղադանոս 0.5 փունջ

---

  թթվասեր 100 մլ

---

Բաղադրիչների ձեռքբեռման ընդհանուր մոտավոր արժեքը կազմում է 1340 դրամ,
իսկ կալորիականությունը ` 203 կկալ